Graf Adolf von Cleve und zu der Mark verleiht seinem Wigbolde und seinen B�rgern zu Wattenscheid Freiheitsrechte:

 

Wy Alff, greve van Cleve ind toe der Marcke, don kund ind openbare allen luden, dey desen brieff zeln off h�ren lesen, dat wy vor ons ind onse erven ind nakomelinge greven van der Marcke hebt gegeven ind gevet onsen wibbolte ind borgeren toe Wattenschede eyne vryheit, gelyck hir nae geschreven is, dat eyn juwelich der borger ts schuldig ind zal dem anderen borger to rechte stan vor dem borgermeister to Wattenschede alle dage dryge. Und also vake mag eyn borger den anderen schuldigen van eyner hellincge und vyff schillincge gelycker wy� von eyner juwelicker klage offte schuldt, dey gevelliken schuyt, behalven klage ind schuldt, dey drepet an den doet des menschen.

 

Vortmeer solt deyselve borgermeyster myt rade der borgere richten schlege ind qwetzinge, dey gescheyt myt storttinge des blodes und in den vrede pelen des v�rscreven wibboldes, und ock achtersprake und schentlicke wortt der ere ind des levens. Und wey in desen my�deden und schuldig wert gevonden, der sall beterynge doin den b�rgeren v�rscreven myt dreyen hellyncge und vifftien schillinge. Voir ander schlege und trecken by den hoeren sunder uytstortynge des blodes sal hey beteren myt eynen hellincge ind vieff schillincge. Wey ock kyvet off ander lichte scheltwort sprecke tegen den anderen, dey zal beteren ind betalen 4 penninge. Und wey wederspreke, disse beteryncge toe doene, den zall men setten in dey vencknysse so lange, dat hey beteryncge gedan hevet. Wey ock dey beterynge �mb armheyt nicht gedon en konde myt geldt, hey were wiff off man, dey sall vor dey beterynge dregen dry steyne.

 

Vortmer so zall dey borgermeister myt den borgeren beproven und wrogen alle mate und gewichte. Und wey my� dede 3 schepelen ind 3 wagen, dey is schuldig to beteren myt 3 hellincge ind 15 schillinge. Und dey neyne volle beyrmate en geve, dey sal geven vor dey beteringe 7 penninge, so vere as dey quadt mate geseyn und gewyst wert vor dem borgermeister und vor den borgeren v�rscreven; vor wilke beterynge neyn guet man en sal bidden. Und wey gebruycket eyner mate, dey nicht getekent en is, dey zal dat beteren myt 3 Schillinge.

 

Vortmer soe weyt pleget veyle to backen und maket dat brodt l�ttiker, dan dat zal zin van rechte, und wert geschuldiget vor dem borgermeister ind vor den borgeren v�rscreven, dey zal geven vor dey beteringe 4 penninge; und dat brodt, dat up eynen pennynck is gebacken, dat zal men dan vort geven vor dry verynghe.

 

Neymandt en zal kopen up den marcket dagh um gewyns willen, van wat hande velinge dat id sy er, dan dey gantse gemeynheit hebbe gekofft. Und alle dey veylyncghe, dey men toe Wattenschede dey weke over verkopet, zal men verkopen und geven vor dat selve gelt, dar men sy gemeynlike vor koffte des markedages. Dey dys nicht en de, dey sal dat beteren myt dry solidi.

 

Vortmeer soe mag dey borgermeister und borger v�rscreven under sich to allen tyden, as sy wilt, (maken) eynen k�r, so gebeyden toe halden under eyner pyne van 3 solidi offt myn. Und dey k�r weder um to ropen, wan sy wilt. Und eyn juwelich borger zal zynen mede borger beklagen vor den borgermeister ind anders nyrgen.

 

Vortmer so wat l�de, dey to Wattenschede wond ind in komen toe woenen, uyt wat lande dat zy zynt, dey nicht eygen en synt, wan dey stervet, ere neste erven, dey dar bynnen wont offe dar komet, zolen heven ind b�ren syn guet, dat hey hevet und achter let; darain en wil wy off nymant van onser wegen sy nicht an hynderen offte kr�den. En queme dar nymant bynnen jare ind dage, dey eyn recht erve were, dat guet to boeren, so will wy off onse erven als�llich gude heven ind b�ren.