In nomine domini amen. Nos Mstywgius dei gratia Pomeranie dux notum facimus universis presentibus et futuris, quos presens scriptum videre vel audire contigerit, quod cum cives Gdanenses Arnoldus cum cognatis suis et affinibus et Jacobus cum fratre et aliis consanguineis et affinibus heredes de Scrobotow et Vytomino crimen lese maiestatis incurrissent ex eo, quod in mortem nostram machinari cum aliis civibus Gdanensibus marchionem Brandeburgensem in excidium terre et privarionem dominii nostri ac baronum et lerrigenarum expulsionem unanimiter conspirantes in castrum et civitatem Gdanensem cum effectu receperunt se nobis cum eodem hosiiliter opponentes, considerato ergo, quod huiusmodi crimen tam secundum canones quam secundum leges pena capitis et privatione bonorum omnium tam mobilium quam immobilium puniatur, volentes dictis civibus penam debitam innigere, quam ex hoc meruerunt exigente iustitia, ipsos una cum baronibus nostris sollempniter et publice tam villis predictis quam aliis bonis privatos sententiando pronuntiavimus dictas villas ad nostrum dominium revocantes easdem villas venerabili in Christo patri nostro domino Albero episcopo Wladislaviensi et suis successoribus ... contulimus possidendas ... Datum in Swecze anno domini M°CC°LXXXIII in crastino beati Jacobi apostoli.